Region Fjordane vil stå sterkare saman i arbeidet for gode samferdselsløysingar. Gjennom Samferdselsløft for Fjordane skal kommunane samle kunnskap, bygge felles forståing og arbeide strategisk for å få viktige prosjekt framover.
Arbeidet omfattar både nasjonale vegar og fylkesvegar – frå prosjekt som allereie er prioriterte, til nye behov og framtidige satsingar.
Målet er å bruke den samla krafta i Fjordane til å skape framdrift.
Storehaug - Førde E39
Storehaugen–Førde er ein flaskehals som svekkjer framkomst, tryggleik og verdiskaping. Ny veg gjennom Hafstadfjellet vil korte ned reisetida, knyte kysten tettare saman og gi næringslivet meir føreseieleg transport. Prosjektet er ei viktig investering i ein sterkare bu- og arbeidsmarknad og ein meir effektiv nasjonal transportkorridor
Stad Skipstunnel
Stad skipstunnel skal gi tryggare og meir føreseieleg ferdsel forbi det mest vêrutsette havstykket langs norskekysten. Prosjektet vil styrkje sjøtransporten, opne nye moglegheiter for næringsliv og reiseliv og skape aktivitet langs kysten. Målet er å sikre at bygginga gir varige ringverknader, arbeidsplassar og verdiskaping for regionen, Vestlandet og heile Noreg.
Atløysambandet
Atløysambandet skal gi Atløy fast og trygg vegtilknyting til Askvoll og resten av regionen. Sambandet vil gjere kvardagen enklare for innbyggjarane, styrkje næringslivet og gi betre tilgang til arbeid, utdanning og tenester. Prosjektet er avgjerande for busetjing, beredskap og framtidig verdiskaping i kystsamfunnet – og bind kysten tettare saman på Vestlandet.
Opp
