Opp
Region Fjordane tek personvernet ditt på alvor. Her forklarer vi kort korleis vi behandlar personopplysningar når du brukar nettsida eller tek kontakt med oss.
Fjordane interkommunalt politisk råd er behandlingsansvarleg for personopplysningane som vert behandla gjennom nettsida. Du kan kontakte oss på elisabeth.hatlenes@regionfjordane.no dersom du har spørsmål om personvern.
Når du besøker nettsida, vert tekniske opplysningar som IP-adresse, tidspunkt og kva sider som vert opna, registrerte i serverloggar. Vi brukar opplysningane til å drifte nettsida, rette feil og verne henne mot misbruk. Det rettslege grunnlaget for behandling av opplysningar i serverloggane er personvernforordninga artikkel 6 nr. 1 bokstav e. Logginga er nødvendig for å drifte og sikre nettsida som del av oppgåvene våre som interkommunalt politisk råd.
Arkiverte tilgangsloggar for nettsida vert lagra i inntil 90 dagar. Andre tekniske loggar har eigne lagringstider, dei fleste har kring 30 dagar, men dette kan variere basert på kva type logg det er.
Dersom du kontaktar oss på e-post eller telefon, behandlar vi opplysningane du gir oss for å kunne svare på og følgje opp førespurnaden din. Når førespurnaden gjeld oppgåvene våre som interkommunalt politisk råd, er det rettslege grunnlaget personvernforordninga artikkel 6 nr. 1 bokstav e. Førespurnader som vi har plikt til å arkivere, vert tekne vare på i samsvar med arkivregelverket, jf. artikkel 6 nr. 1 bokstav c.
Nettsida nyttar informasjonskapslar som er nødvendige for grunnleggjande funksjonar og tryggleik. Vi nyttar ikkje informasjonskapslar til statistikk eller marknadsføring. Du finn meir informasjon om dei enkelte informasjonskapslane i oversikta på cookie popupen.
Kodebonden leverer teknisk drift av nettsida på vegner av Region Fjordane. Nettsida er lagra hos Krystal Hosting i Storbritannia. Leverandørane kan få tilgang til opplysningar når det er nødvendig for å drifte, vedlikehalde og sikre nettsida.
Storbritannia er godkjent som eit land med tilstrekkeleg vern av personopplysningar.
Du kan kontakte oss for å be om innsyn i personopplysningane vi har om deg, eller for å be om retting eller sletting. Du kan òg ha rett til å be om avgrensing av behandlinga eller protestere mot henne. Kva rettar som gjeld, kjem an på grunnlaget for behandlinga og eventuelle lovpålagde plikter.
Dersom du meiner vi behandlar opplysningane dine i strid med regelverket, kan du klage til Datatilsynet.
På www.nettvett.no kan du lese om korleis du endrar på nettlesaren for å godta/avvise informasjonskapslar, og få tips til tryggare bruk av internett.
Opp